ന്യൂയോര്‍ക്ക്: സര്‍ക്കാര്‍ അടച്ചുപൂട്ടല്‍ പ്രഖ്യാപിച്ചതോടെ എയര്‍ ട്രാഫിക് ജീവനക്കാരുടെ കുറവ്
അനുഭവപ്പെട്ടതോടെ രാജ്യത്തുടനീളമുള്ള വിമാനത്താവളങ്ങളില്‍ വിമാന യാത്ര സമയം വൈകി.
ഗവണ്‍മെന്റ് അടച്ചുപൂട്ടല്‍ മൂലം പറക്കല്‍ തടസ്സപ്പെടാമെന്ന് ഗതാഗത സെക്രട്ടറി മുന്നറിയിപ്പ് നല്‍കിയതിന് മണിക്കൂറുകള്‍ക്ക് ശേഷം ന്യൂയോര്‍ക്ക്, ഡെന്‍വര്‍, ലോസ് ഏഞ്ചല്‍സ് എ്ന്നിവിടങ്ങളിലേക്കുള്ള വിമാനങ്ങള്‍ വൈകി. എയര്‍ ട്രാഫിക് കണ്‍ട്രോളര്‍മാരുടെ കുറവാണ് കാരണം.
ന്യൂജേഴ്സിയിലെ ന്യൂവാര്‍ക്ക് ലിബര്‍ട്ടി അന്താരാഷ്ട്ര വിമാനത്താവളത്തില്‍ വൈകുന്നേരത്തോടെയാണ് വിമാനം വൈകാന്‍ തുടങ്ങിയത്. അവിടെ ശരാശരി ഒരു മണിക്കൂറോളമെങ്കിലും എത്തിച്ചേരേണ്ട വിമാനങ്ങള്‍ വൈകി. ഡെന്‍വര്‍ അന്താരാഷ്ട്ര വിമാനത്താവളത്തില്‍ എത്തിച്ചേരുന്ന വിമാനങ്ങള്‍ ഏകദേശം 40 മിനിറ്റാണ് വൈകിയത്.
ലോസ് ഏഞ്ചല്‍സിനടുത്തുള്ള ഹോളിവുഡ് ബര്‍ബാങ്ക് വിമാനത്താവളത്തില്‍ ശരാശരി രണ്ടര മണിക്കൂര്‍ ഇന്‍കമിംഗ് കാലതാമസം റിപ്പോര്‍ട്ട് ചെയ്തതായി ഫെഡറല്‍ ഏവിയേഷന്‍ അഡ്മിനിസ്‌ട്രേഷന്‍ വിവരമറിയിച്ചു. ബര്‍ബാങ്കിന് സേവനം നല്‍കുന്ന എയര്‍ ട്രാഫിക് കണ്‍ട്രോള്‍ ടവറില്‍ തിങ്കളാഴ്ച രാത്രി കണ്‍ട്രോളറുകള്‍ പ്രവര്‍ത്തിക്കുന്നുണ്ടായിരുന്നില്ല, അതിനാല്‍ ലോകത്തിലെ ഏറ്റവും തിരക്കേറിയ എയര്‍ ട്രാഫിക് സൗകര്യങ്ങളിലൊന്നായ സാന്‍ ഡീഗോയിലെ സതേണ്‍ കാലിഫോര്‍ണിയ ടെര്‍മിനല്‍ റഡാര്‍ അപ്രോച്ച് കണ്‍ട്രോളിലാണ് ഇന്‍കമിംഗ് ഫ്‌ളൈറ്റുകളുടെ മാനേജ്‌മെന്റ് ഏറ്റെടുത്തത്.
2019ലും സമാനമായ സാഹചര്യമായിരുന്നു.