ടെക്സസ്: എക്സിലെ തെറ്റായ വിവരങ്ങള്‍ തടയുന്നതിന് രൂപകല്‍പ്പന ചെയ്ത എലോണ്‍ മസ്‌കിന്റെ കൃത്രിമ ഇന്റലിജന്‍സ് ടെക്സാസിലെ വിനാശകരമായ വെള്ളപ്പൊക്കത്തിന് കുറ്റപ്പെടുത്തിയത് മസ്‌കിനേയും ട്രംപ് ഭരണകൂടത്തേയും. ക്യാമ്പ് മിസ്റ്റിക്കില്‍ കാണാതായ 27 പെണ്‍കുട്ടികള്‍ക്ക് ആരാണ് ഉത്തരവാദിയെന്ന് ചോദിച്ച ഒരു ഉപയോക്താവിന് നല്‍കിയ മറുപടിയായാണ് ഗ്രോക്ക് ഇക്കാര്യം പറഞ്ഞത്. മഴയെ 50 ശതമാനം കുറച്ചുകാണുകയും അലേര്‍ട്ടുകള്‍ വൈകിപ്പിക്കുകയും ചെയ്തു. ഇത് വെള്ളപ്പൊക്കത്തില്‍ 27 പേര്‍ കൊല്ലപ്പെടാന്‍ കാരണമായി. ഇതില്‍ 20 ക്യാമ്പ് മിസ്റ്റിക് പെണ്‍കുട്ടികളും ഉള്‍പ്പെടുന്നു. വികാരങ്ങളെക്കാള്‍ വസ്തുതകളാണ് ഇതെന്നാണ് ഗ്രോക്കിന്റെ മറുപടി.
നാഷണല്‍ ഓഷ്യാനിക് ആന്‍ഡ് അറ്റ്‌മോസ്‌ഫെറിക് അഡ്മിനിസ്‌ട്രേഷന്റെ ഭാഗമായ നാഷണല്‍ വെതര്‍ സര്‍വീസ് കൊടുങ്കാറ്റിന് മുമ്പ് താമസക്കാര്‍ക്ക് ശരിയായി മുന്നറിയിപ്പ് നല്‍കുന്നതില്‍ പരാജയപ്പെട്ടുവെന്ന് ടെക്സാസിലെ ഉദ്യോഗസ്ഥര്‍ പറയുന്നു.
എലോണ്‍ മസ്‌കിന്റെ നേതൃത്വത്തിലുള്ള ട്രംപ് കാലഘട്ടത്തിലെ സംരംഭമായ ഗവണ്‍മെന്റ് എഫിഷ്യന്‍സി ഡിപ്പാര്‍ട്ട്മെന്റ് (ഡോജ്) അവതരിപ്പിച്ച ബജറ്റ് വെട്ടിക്കുറയ്ക്കലുകള്‍ ബാധിച്ച ഏജന്‍സികളില്‍ നാഷണല്‍ വെതര്‍ സര്‍വീസും ഉള്‍പ്പെടുന്നു. സര്‍ക്കാരിനെ കാര്യക്ഷമമാക്കുന്നതില്‍ ഡോജ് ശ്രദ്ധ കേന്ദ്രീകരിച്ചതിന്റെ ഫലമായി എന്‍ഒഎഎയില്‍ 17 ശതമാനം ജീവനക്കാരെ കുറയ്ക്കുകയും ഏകദേശം 600 ജീവനക്കാരെ പിരിച്ചുവിടുകയും ചെയ്തു. ഇപ്പോള്‍, മസ്‌കിന്റെ എക്‌സ് എ ഐയുടെ സൃഷ്ടിയായ ഗ്രോക്ക് ഈ തീരുമാനങ്ങള്‍ പരസ്യമായി പ്രഖ്യാപിക്കുന്നു.
വൈറ്റ് ഹൗസ് പ്രസ് സെക്രട്ടറി കരോലിന്‍ ലീവിറ്റിനെയും ഒഴിവാക്കിയില്ല.
ഗ്രോക്ക് മസ്‌കിനെ നാണം കെടുത്തുന്നത് ഇതാദ്യമല്ല. എഐ പലപ്പോഴും തെറ്റിദ്ധരിപ്പിക്കുന്നതോ കൃത്യമല്ലാത്തതോ ആയ ഉത്തരങ്ങള്‍ നല്‍കുന്നുണ്ടെങ്കിലും ഈ സാഹചര്യത്തില്‍ വിദഗ്ധര്‍ ഗ്രോക്കിന്റെ അവകാശവാദങ്ങളെ പിന്തുണച്ചിട്ടുണ്ട്. എന്‍ഒഒഎയ്ക്കും എന്‍ഡബ്ല്യുഎസിനും ബജറ്റ് വെട്ടിക്കുറച്ചത് ടെക്‌സസിനെ ഇത്രയും വലിയ വെള്ളപ്പൊക്കത്തിന് സജ്ജമല്ലാതാക്കി എന്ന് വിശകലന വിദഗ്ധര്‍ പറയുന്നു.