ടോക്യോ: ജപ്പാനിലേക്കുള്ള യാത്ര ഒഴിവാക്കാന്‍ പൗരന്മാര്‍ക്ക് ചൈന മുന്നറിയിപ്പ് നല്‍കി. പിന്നാലെ ചൈനയുമായി ആശയവിനിമയ ചാനലുകള്‍ തുറന്നിരിക്കുന്നുവെന്ന് ജപ്പാന്‍ വ്യക്തമാക്കി.
ജപ്പാന്‍ പ്രധാനമന്ത്രി സാനേ തകായിചി തായ്വാനെ കുറിച്ച് ചൈനയ്ക്കെതിരെ സൈനിക പ്രതികരണം ഉണ്ടാകാമെന്ന് നല്‍കിയ മുന്നറിയിപ്പാണ് ഇരു രാജ്യങ്ങളും തമ്മിലുള്ള നിലവിലെ നയതന്ത്ര സംഘര്‍ഷത്തിന് കാരണമായത്.
റോയിട്ടേഴ്‌സ് റിപ്പോര്‍ട്ടുകള്‍ പ്രകാരം ഏഷ്യ- ഓഷ്യാനിയ കാര്യങ്ങള്‍ കൈകാര്യം ചെയ്യുന്ന ജപ്പാന്‍ വിദേശകാര്യ മന്ത്രാലയ ഉദ്യോഗസ്ഥന്‍ മസാക്കി കനായി ബെയ്ജിംഗിലെത്തി ചൈനീസ് സഹപ്രതിപക്ഷത്തിലെ ലിയു ജിന്‍സോങ്ങുമായി കൂടിക്കാഴ്ച നടത്തി.
വിവിധ ആശയവിനിമയ മാര്‍ഗങ്ങള്‍ തുറന്ന നിലയിലാണെന്നും. ചൈനക്ക് ആവശ്യമായ നടപടികള്‍ സ്വീകരിക്കണമെന്ന് തങ്ങള്‍ ആവശ്യപ്പെട്ടിട്ടുണ്ടെന്നും ജപ്പാന്‍ ചീഫ് കാബിനറ്റ് സെക്രട്ടറി മാധ്യമങ്ങളെ അറിയിച്ചു.
നവംബര്‍ 7ന് ജപ്പാന്‍ പാര്‍ലമെന്റില്‍ സംസാരിക്കവെ തകായിചി, ചൈന തായ്വാനില്‍ ബലം പ്രയോഗിച്ചാല്‍ ടോക്യോയില്‍ നിന്നും സൈനിക പ്രതികരണം ഉണ്ടാകാമെന്ന് വ്യക്തമാക്കിയിരുന്നു.
ഇതിനെ തുടര്‍ന്ന് ചൈനയുടെ ജപ്പാനിലെ എംബസി നവംബര്‍ 14-ന് ഓണ്‍ലൈനായി മുന്നറിയിപ്പ് പ്രസിദ്ധീകരിച്ചു. ജപ്പാന്‍ നേതാക്കളുടെ തായ്വാന്‍ സംബന്ധിച്ച പരാമര്‍ശങ്ങള്‍ അതി പ്രകോപനപരമാണെന്നും ഇത് ജനങ്ങള്‍ തമ്മിലുള്ള ബന്ധത്തിന്റെ അന്തരീക്ഷത്തെ ഗുരുതരമായി ബാധിക്കുന്നുവെന്നും പ്രസ്താവനയില്‍ പറയുന്നു.
സ്റ്റേറ്റ്‌മെന്റില്‍ ചൈനീസ് പൗരന്മാരോട് ജപ്പാനിലേക്കുള്ള യാത്ര അടുത്തിടെ ഒഴിവാക്കണമെന്ന് നിര്‍ദ്ദേശിക്കുകയും ചെയ്തു.
യാത്രാ മുന്നറിയിപ്പിനെ തുടര്‍ന്ന് നവംബര്‍ 15ന് ചൈനയിലെ വലിയ എയര്‍ലൈന്‍ കമ്പനികള്‍ ജപ്പാന്‍ റൂട്ടുകളിലെ വിമാന ടിക്കറ്റുകള്‍ക്ക് പൂര്‍ണ്ണ റീഫണ്ട് നല്‍കുമെന്ന് അറിയിച്ചു. എയര്‍ ചൈന, ചൈന സതേണ്‍, ചൈന ഈസ്റ്റേണ്‍ തുടങ്ങിയ കമ്പനികള്‍ ഡിസംബര്‍ 31 വരെ ജപ്പാന്‍ യാത്രകള്‍ റദ്ദാക്കുകയോ മാറ്റുകയോ ചെയ്യാം എന്ന് അറിയിച്ചു.
ഉയരുന്ന സംഘര്‍ഷങ്ങള്‍ക്കിടയിലും തകായിചി തന്റെ പ്രസ്താവന പിന്‍വലിക്കാനുള്ള യാതൊരു ഉദ്ദേശവുമില്ലെന്ന് വ്യക്തമാക്കി. എന്നാല്‍ ഭാവിയില്‍ പ്രത്യേക സംഭവങ്ങള്‍ ചൊല്ലി പരാമര്‍ശങ്ങള്‍ ഒഴിവാക്കുമെന്ന് അവര്‍ കൂട്ടിച്ചേര്‍ത്തു.