ന്യൂയോര്‍ക്ക്: അമേരിക്കയില്‍ വളരുന്ന ഇന്ത്യന്‍ വംശജരിലെ കുട്ടികളിലെ സംഗീതവും നൃത്തവും പ്രോത്സാഹിപ്പിക്കുന്ന സരസ്വതി അവാര്‍ഡ്സിന്റെ 21-ാം സരസ്വതി അവാര്‍ഡിനുള്ള മത്സരങ്ങല്‍ സെപ്തംബര്‍ 13ന് ശനിയാഴ്ച ന്യൂയോര്‍ക്കിലെ ഫ്ളോറല്‍ പാര്‍ക്കിലുള്ള ടൈസണ്‍ സെന്ററില്‍ നടക്കും.
അമേരിക്കയില്‍ വളരുന്ന ഇന്ത്യന്‍ വംശജരുടെ 5 വയസ്സു മുതല്‍ 18 വയസ്സുവരെ പ്രായമുള്ള കുട്ടികള്‍ക്ക് ഈ മത്സരത്തില്‍ പങ്കെടുക്കാവുന്നതാണ്.
ഫ്ളോറല്‍ പാര്‍ക്കിലെ ടൈസണ്‍ സെന്ററില്‍ സെപ്തംബര്‍ 13ന് ശനിയാഴ്ച രാവിലെ 9 മണിക്ക് തുടങ്ങുന്ന മത്സരങ്ങളില്‍ ശാസ്ത്രീയ സംഗീതം, ഇന്ത്യന്‍ ഭാഷാ സംഗീതം, ഭരതനാട്യം, നാടോടിനൃത്തം എന്നിവ ഉള്‍പ്പെടുന്നു.
പ്രീ ജൂനിയര്‍, സബ് ജൂനിയര്‍, ജൂനിയര്‍, സീനിയര്‍ എന്നീ വിഭാഗങ്ങളിലാണ് മത്സരങ്ങള്‍ നടക്കുക. വൈകുന്നേരം 6 മണിക്ക് വിശിഷ്ടാതിഥികളും സംഗീത നൃത്തഗുരുക്കളും പങ്കെടുക്കുന്ന വേദിയില്‍ വച്ച് സരസ്വതി അവാര്‍ഡുകള്‍ സമ്മാനിക്കുന്നു. മത്സരങ്ങളില്‍ പങ്കെടുക്കുവാന്‍ താല്‍പര്യമുള്ള സംഗീത- നൃത്ത വിദ്യാര്‍ഥികള്‍ മുന്‍കൂര്‍ രജിസ്റ്റര്‍ ചെയ്യണമെന്ന് സംഘാടകര്‍ അറിയിക്കുന്നു.
കൂടുതല്‍ വിവരങ്ങള്‍ക്കും അപേക്ഷാ ഫോറത്തിനുമായി saraswathiawards@gmail.com, 516-455-9739, 516-424-1853, 516-243-8640, 516-754-1311, 516-476-1697, 516-616-0233 ബന്ധപ്പെടാവുന്നതാണ്.