ഹൂസ്റ്റണ്‍: മലയാളി അസോസിയേഷന്‍ ഓഫ് ഗ്രേറ്റര്‍ ഹൂസ്റ്റണ്‍ ഓഗസ്റ്റ് 30ന് ശനിയാഴ്ച വലിയ ഓണാഘോഷ പരിപാടികള്‍ സംഘടിപ്പിച്ചു. മിസോറി സിറ്റിയിലുള്ള സെന്റ് ജോസഫ് ഹാളില്‍ വമ്പിച്ച ജനാവലിയാണ് ഓണാഘോഷത്തില്‍ പങ്കെടുത്തത്. ജാതിമതഭേദമന്യേ ആയിരക്കണക്കിന് ആളുകള്‍ ഗൃഹാതുരസ്മരണകളുമായി ഒഴുകിയെത്തി. മലയാളിയുടെ ദേശീയ ഉത്സവം ആണല്ലോ ഓണം. ഏവരും ഒന്നിച്ച് ഒരു മനസ്സോടെ കേരളീയ വസ്ത്രങ്ങളും അണിഞ്ഞ് മഹാബലിത്തമ്പുരാനെ വരവേല്‍ക്കുവാന്‍ അണിനിരന്നു. ആഘോഷങ്ങള്‍ക്ക് വലിയ സന്നാഹങ്ങളാണ് 'മാഗ്' ഒരുക്കിയിരുന്നത്.
രാവിലെ 10 മണിക്ക് സാംസ്‌കാരിക പരിപാടികള്‍ ആരംഭിച്ചു. 10.45 ന് സാംസ്‌കാരിക ഘോഷയാത്ര നടത്തപ്പെട്ടു. പ്രസിഡന്റ് ജോസ് കെ ജോണ്‍, സെക്രട്ടറി രാജേഷ് വര്‍ഗീസ്, ട്രഷറര്‍ സുജിത്ത് ചാക്കോ, പ്രോഗ്രാം കോഡിനേറ്റര്‍ രേഷ്മ വിനോദ്, മാഗിന്റെ ബോര്‍ഡ് ഓഫ് ഡയറക്ടേഴ്‌സ് അംഗങ്ങള്‍, ട്രസ്റ്റീ ബോര്‍ഡ് അംഗങ്ങള്‍, എന്നിവരും ചേര്‍ന്ന് സാംസ്‌കാരിക ഘോഷയാത്രയ്ക്ക് നേതൃത്വം നല്‍കി. തെയ്യവും തിറയും പുലികളിയും താലപ്പൊലിയേന്തി നൂറോളം വനിതകളും ബാലികമാരും അകമ്പടിയായി ചെണ്ടമേളവും അതിഥികളും ജനങ്ങളും ചേര്‍ന്ന് മാവേലിമന്നനെ വരവേറ്റു.
തുടര്‍ന്ന് സാംസ്‌കാരിക സമ്മേളനം ആരംഭിച്ചു. കോണ്‍സുല്‍ ജനറല്‍ ഓഫ് ഇന്ത്യ ഹൂസ്റ്റണ്‍ ഡി സി മഞ്ജുനാഥ് നിലവിളക്ക് കൊളുത്തി ഉദ്ഘാടനം നിര്‍വഹിച്ചു. പ്രസിഡന്റ് ജോസ് കെ ജോണ്‍, സെക്രട്ടറി രാജേഷ് വര്‍ഗീസ്, ട്രഷറര്‍ സുജിത്ത് ചാക്കോ, ട്രസ്റ്റി ബോര്‍ഡ് ചെയര്‍മാന്‍ ജിമ്മി കുന്നശ്ശേരി എന്നിവര്‍ക്കൊപ്പം ഫോര്‍ട്ട്ബന്‍ഡ്കൗണ്ടി ജഡ്ജ് കെ പി ജോര്‍ജ്, ജഡ്ജ് ജൂലി മാത്യു, ജഡ്ജ് സുരേന്ദ്രന്‍ പട്ടേല്‍, സ്റ്റാഫോര്‍ഡ് സിറ്റി മേയര്‍ കെന്‍ മാത്യു, ഷുഗര്‍ ലാന്‍ഡ് മേയര്‍ കരോള്‍ കെ മക്കഡ്‌ചെയോന്‍, മിസോറി സിറ്റി മേയര്‍ റോബിന്‍ ഇലക്കാട്ട്, ക്യാപ്റ്റന്‍ മനോജ് പൂപ്പാറയില്‍ തുടങ്ങിയവരും തിരിതെളിയിച്ചു. പ്രോഗ്രാം കോഡിനേറ്റര്‍ രേഷ്മ വിനോദ്, മറ്റ് ബോര്‍ഡ് ഓഫ് ഡയറക്ടേഴ്‌സ്, ബോര്‍ഡ് ഓഫ് ട്രസ്റ്റിസ്, ബില്‍ഡിംഗ് കമ്മിറ്റി ചെയര്‍മാന്‍ ശ്രീ ശശിധരന്‍ നായര്‍, വൈദിക ശ്രേഷ്ഠര്‍, ശ്രീ ഗുരുവായൂരപ്പന്‍ ക്ഷേത്രം ശ്രീനാരായണഗുരു മിഷന്‍, ഇന്ത്യന്‍ ക്രിസ്ത്യന്‍ ഇക്യുമെനിക്കല്‍ കമ്മ്യൂണിറ്റി ഓഫ് ഹൂസ്റ്റണ്‍ തുടങ്ങിയവയുടെ പ്രതിനിധികളുംവേദിയില്‍ സന്നിഹിതരായിരുന്നു.
സെക്രട്ടറി രാജേഷ് വര്‍ഗീസ് സ്വാഗതം ആശംസിച്ചു. പ്രസിഡന്റ് ജോസ് കെ ജോണ്‍ അധ്യക്ഷ പ്രസംഗം നടത്തി. തുടര്‍ന്ന് മുഖ്യാതിഥി കോണ്‍സുല്‍ ജനറല്‍ ഓഫ് ഇന്ത്യ ഹൂസ്റ്റണ്‍ ഡി സി മഞ്ജുനാഥ് ഉദ്ഘാടനപ്രസംഗത്തില്‍ എല്ലാ കേരളീയര്‍ക്കും ഓണാശംസകള്‍ നേര്‍ന്നു.
തുടര്‍ന്ന് മികച്ച കലാകാരന്മാര്‍ അണിനിരന്ന കലാവിരുന്ന് അരങ്ങേറി. ഓണത്തോട് അനുബന്ധിച്ചുള്ള സംഘനൃത്തമായ തിരുവാതിരകളിയില്‍ രേഷ്മ വിനോദിന്റെ നേതൃത്വത്തില്‍ ഇരുപതോളം കലാകാരികള്‍ പങ്കെടുത്തു. കേരളത്തിന്റെ തനത് കലാരൂപങ്ങളായ കഥകളി, മാര്‍ഗംകളി, ഒപ്പന എന്നിവയും അവതരിപ്പിക്കപ്പെട്ടു. ടെക്‌സാസിന്റെ അതിരുകടന്നെത്തി കഥകളി അവതരിപ്പിച്ച ഡോക്ടര്‍ അര്‍ച്ചന നായര്‍, ക്രിസ്റ്റല്‍ ടെന്നിസ്സണ്‍ എന്നിവര്‍ പ്രത്യേകം അഭിനന്ദനമര്‍ഹിക്കുന്നു. ദിയ അനില്‍ അവതരിപ്പിച്ച തെയ്യവും മനോഹര മൂര്‍ത്തങ്ങള്‍ ഒരുക്കി.
ഓണച്ചമയം പുത്തന്‍ അനുഭവമായി. കേരളത്തിന്റെ തനത് നൃത്തരൂപമായ മോഹിനിയാട്ടം മറ്റ് ഭാരതീയ ശാസ്ത്രീയ നൃത്ത രൂപങ്ങളായ ഭരതനാട്യം, കുച്ചുപ്പുടി അര്‍ദ്ധ ശാസ്ത്രീയ നൃത്തരൂപങ്ങള്‍ എന്നിവയും കൊണ്ട് സമ്പന്നമായിരുന്നു വേദി. 42 ഓളം കലാപരിപാടികള്‍ അരങ്ങേറി.
ഹൂസ്റ്റണിലെ കായിക മേഖലയില്‍ നല്‍കിയ മികച്ച സംഭാവനകള്‍ക്ക് മാഗ് ലൈഫ് ടൈം അച്ചീവ്‌മെന്റ് അവാര്‍ഡ് നല്‍കി റജി ജോണിനെ ആദരിച്ചു. ഒപ്പം മെഡല്‍ ഓഫ് വാലര്‍ നേടിയ ക്യാപ്റ്റന്‍ മനോജ് പൂപ്പാറയിലിനെയും ചടങ്ങില്‍ ആദരിക്കുകയുണ്ടായി. മാഗിന്റെ എല്ലാ പരിപാടികളുടെയും നെടുംതൂണ് സ്‌പോണ്‍സേര്‍സ് ആണ്. പ്രധാന സ്‌പോണ്‍സര്‍മാരായ ജെയിംസ് ഓലൂട്ട് നാഷണല്‍ റിയല്‍റ്റി, ഉൃ. നവീന്‍ പതിയില്‍ ആര്‍ക്കോള ദന്തല്‍, ഉൃ. ജോഗി കെ ജോര്‍ജ് ടെക്‌സസ് ഹാര്‍ട്ട് ആന്‍ഡ് വാസ്‌ക്കുലര്‍, സുരേഷ് അപ്നാ ബസാര്‍, ഉമ്മന്‍ തോമസ് റോയല്‍ ട്രാവല്‍സ്, സജി വൈസര്‍ സ്‌കൈ ട്രാവല്‍സ്, സന്ദീപ് ഈശോ പെറി ഹോംസ്, ജോണ്‍ ബാബു ജെജെബി സിപിഎ ഗ്രൂപ്പ്, സോണി ജോസഫ് സിപിഎ, രാജേഷ് വര്‍ഗീസ് ആര്‍ വിഎസ് ഇന്‍ഷുറന്‍സ് എന്നിവര്‍ക്ക് പ്രത്യേക ഉപഹാരങ്ങള്‍ നല്‍കി ആദരിച്ചു.
പരിപാടികള്‍ വിജയകരമായി കോര്‍ത്തിണക്കി പ്രോഗ്രാം കോഡിനേറ്റര്‍രേഷ്മ വിനോദ് വിസ്മയകരമായ നേതൃത്വം നല്‍കി. വിഘ്‌നേഷ് ശിവന്‍ മികച്ച പിന്‍ബലം നല്‍കി. ആന്‍സി ക്രിസ്, മിഖായേല്‍ ജോയ് (മിക്കി), സജി പുല്ലാട്, അനില്‍ ജനാര്‍ദ്ദനന്‍ എന്നിവരുടെ അവതരണം പരിപാടിയുടെ വിജയത്തിനായി സഹായിച്ചു.
വയനാട് മുണ്ടക്കൈ ചൂരല്‍മലയില്‍ ഉണ്ടായ ഉരുള്‍പൊട്ടലില്‍ വീട് നഷ്ടപ്പെട്ട ഷഹീദിനും കുടുംബത്തിനും വയനാട് പുല്‍പ്പള്ളിയില്‍ ഏഴര ലക്ഷം രൂപ ചിലവില്‍ വീട് ഒരുങ്ങുന്നതായി ഭാരവാഹികള്‍ അറിയിച്ചു. വീടുപണി നവംബറില്‍ പൂര്‍ത്തിയാകും.
നൂപുര സ്‌കൂള്‍ ഓഫ് ഡാന്‍സ്, സ്പാര്‍ക്ക്, സിനി മുദ്രാ സ്‌കൂള്‍ ഓഫ് ആര്‍ട്‌സ്, റിഥം ഇന്ത്യ എന്നീ ഡാന്‍സ് സ്‌കൂളുകളുടെ നൂറുകണക്കിന് കുട്ടികള്‍ വിവിധ കലാപരിപാടികളില്‍ പങ്കെടുത്തു. ഹൂസ്റ്റണിലെ മികച്ച ഗായകരുടെ ഗാനങ്ങളും ആസ്വാദ്യകരമായി. അത്തപ്പൂക്കളവും ഒരുക്കിയിരുന്നു.
38 വര്‍ഷങ്ങള്‍ക്കു മുന്‍പ് ഈ വലിയ പ്രസ്ഥാനത്തിന് അടിത്തറ പാകിയ പ്രിയപ്പെട്ടവരെ വേദിയില്‍ പൊന്നാടയണിയിച്ച് ആദരിച്ചത് വൈകാരിക മുഹൂര്‍ത്തങ്ങള്‍ക്ക് കാരണമായി. വേദി ഒരു സംഗമഭൂമിയായി. പലരുടെയും കണ്ണുകള്‍ ഈറന്‍ അണിയുന്നത് കാണാമായിരുന്നു.
അമേരിക്കയിലെ നോര്‍ക്ക അഫലിയേറ്റഡ് ആയിട്ടുള്ള രണ്ടാമത്തെ അസോസിയേഷന്‍ ആയി മലയാളി അസോസിയേഷന്‍ ഓഫ് ഗ്രേറ്റര്‍ ഹൂസ്റ്റണ്‍ തെരഞ്ഞെടുക്കപ്പെട്ടു. സുബിന്‍ കുമാരന്‍ സര്‍ട്ടിഫിക്കറ്റ് മാഗ് ഭാരവാഹികള്‍ക്ക് കൈമാറി.
മികച്ച കര്‍ഷകര്‍ക്ക് വേണ്ടി ഒന്നും രണ്ടും മൂന്നും സ്ഥാനങ്ങള്‍ ആയി ക്യാഷ് അവാര്‍ഡുകളും ഫലകങ്ങളും സമ്മാനിച്ചു. പഞ്ചഗുസ്തി മത്സര വിജയികള്‍ക്കുള്ള സമ്മാനദാനവും നടന്നു. ട്രഷറര്‍ സുജിത്ത് ചാക്കോ നന്ദി രേഖപ്പെടുത്തി.
രാവിലെ മുതല്‍ ഒഴുകിയെത്തിയ ജനങ്ങള്‍ക്കായി പരമ്പരാഗതമായ രീതിയില്‍ ഒരുക്കിയ ഓണസദ്യയും വിളമ്പി. ആയിരക്കണക്കിനാളുകളാണ് അതില്‍ പങ്കെടുത്തത്. അപ്നാ ബസാര്‍ ആയിരുന്നു ഓണസദ്യ ഒരുക്കിയത്.
മാത്യൂസ് ചാണ്ടപിള്ള, ക്രിസ്റ്റഫര്‍ ജോര്‍ജ്, സുനില്‍കുമാര്‍ തങ്കപ്പന്‍, ജോസഫ് കുന താന്‍ ( തങ്കച്ചന്‍ ), വിഘ്‌നേഷ് ശിവന്‍, അലക്‌സ് മാത്യു, പ്രബിത് മോന്‍ വെള്ളിയാന്‍, റീനു വര്‍ഗീസ്, മിഖായേല്‍ ജോയ് (മിക്കി), ബിജോയ് തോമസ്, ജോണ്‍ ഡബ്ലിയു വര്‍ഗീസ്, മോന്‍സി കുര്യാക്കോസ് എന്നിവര്‍ വിവിധ പരിപാടികള്‍ക്ക് നേതൃത്വം നല്‍കി.
മുപ്പതോളം വരുന്ന സ്‌പോണ്‍സര്‍സ്, വിശിഷ്ട അതിഥികള്‍, വിവിധ ഡാന്‍സ് സ്‌കൂളുകള്‍, വിവിധ പരിപാടികളില്‍ പങ്കെടുത്ത പ്രിയപ്പെട്ട കലാകാരന്മാര്‍, സദ്യ വിളമ്പിയ സുഹൃത്തുക്കള്‍, സെന്റ് ജോസഫ് ഹാളിന്റെ മാനേജര്‍ ജീടോം, ജോര്‍ജ്, ഡിജിറ്റല്‍ മീഡിയ വിംഗ് ജോസഫ് കൂനതാന്‍ (തങ്കച്ചന്‍), വിഘ്‌നേഷ് ശിവന്‍, ക്രിസ് ജോര്‍ജ്, മികച്ച വീഡിയോഗ്രാഫിയും ഫോട്ടോഗ്രാഫിയും ചെയ്ത ജോര്‍ജ് ഫ്‌ലവേഴ്‌സ്, രഞ്ജിത്ത് എന്നിവര്‍ക്കും ഓണാഘോഷത്തെ മികവുറ്റതാക്കുവാന്‍ പ്രവര്‍ത്തിക്കുകയും സഹായിക്കുകയും സഹകരിക്കുകയും ചെയ്ത എല്ലാവര്‍ക്കും പ്രത്യേകം നന്ദി രേഖപ്പെടുത്തുന്നതായി സംഘാടകര്‍ അറിയിച്ചു
ഹൂസ്റ്റണില്‍ വമ്പന്‍ ഓണാഘോഷം ഒരുക്കി മലയാളി അസോസിയേഷന്‍ ഓഫ് ഗ്രേറ്റര്‍ ഹൂസ്റ്റണ്‍
