ന്യൂയോര്‍ക്ക്: മലയാളി ക്രൈസ്തവ സമൂഹത്തിലെ വിവിധ സഭകളെ ഏകോപിപ്പിച്ച് പ്രവര്‍ത്തിക്കുന്ന പ്രമുഖ സംഘടനയായ സെന്റ് തോമസ് എക്യൂമെനിക്കല്‍ ഫെഡറേഷന്‍ ഓഫ് നോര്‍ത്ത് അമേരിക്കയുടെ ആഭിമുഖ്യത്തില്‍ എക്യൂമെനിക്കല്‍ പിക്നിക് സംഘടിപ്പിക്കുന്നു. ഒക്ടോബര്‍ 4 ശനിയാഴ്ച രാവിലെ 9 മണിക്ക് പോര്‍ട്ട് വാഷിംഗ്ടണിലെ നോര്‍ത്ത് ഹെംപ്സ്റ്റഡ് ബീച്ച് പാര്‍ക്കില്‍ വെച്ചാണ് പരിപാടി നടക്കുന്നത്.
ന്യൂയോര്‍ക്കിലെ വിവിധ മലയാളി ക്രൈസ്തവ സമൂഹങ്ങളെ ഒരുമിച്ച് നിര്‍ത്തുക എന്ന ലക്ഷ്യത്തോടെ സംഘടിപ്പിക്കുന്ന ഈ പിക്നിക്കില് എല്ലാ ക്രൈസ്തവ വിഭാഗങ്ങളില്‍ നിന്നുമുള്ള വിശ്വാസികളും കുടുംബാംഗങ്ങളും പങ്കെടുക്കുമെന്ന് പ്രതീക്ഷിക്കുന്നു. വിവിധ ഗെയിമുകളും വിനോദപരിപാടികളും പിക്‌നിക്കിന്റെ ഭാഗമായി ഒരുക്കിയിട്ടുണ്ട്.
പരിപാടിയുടെ വിജയത്തിനായി പ്രസിഡന്റ് റവ. സാം എന്‍ ജോഷ്വായുടെ നേതൃത്വത്തിലുള്ള കമ്മിറ്റി പ്രവര്‍ത്തിച്ചു വരുന്നു. സജി തോമസ് (കണ്‍വീനര്‍), ജോബി ജോര്‍ജ് (സെക്രട്ടറി), ജോര്‍ജ് തോമസ് (ട്രഷറര്‍), ഫാ. ജോണ്‍ തോമസ് (വൈദിക വൈസ് പ്രസിഡന്റ്), അനില്‍ തോമസ് (അത്മായ വൈസ് പ്രസിഡന്റ്), ജയ് കെ പോള്‍ (ജോയിന്റ് സെക്രട്ടറി), അച്ചാമ്മ മാത്യു (ജോയിന്റ് സെക്രട്ടറി), ജോസഫ് വി തോമസ് (ജോയിന്റ് ട്രഷറര്‍) എന്നിവര്‍ കമ്മിറ്റി അംഗങ്ങളാണ്.
പിക്നിക്കില് മലയാളി ക്രൈസ്തവര്‍ക്ക് കുടുംബസഹിതമായി പങ്കുചേരാനും സൗഹൃദബന്ധങ്ങള്‍ മെച്ചപ്പെടുത്താനും അധ്യാത്മികവും സാംസ്‌കാരികവുമായ അനുഭവങ്ങള്‍ പങ്കുവെക്കാനും സുവര്‍ണ്ണാവസരമാണ്.