ന്യൂഡല്‍ഹി: രാജ്യത്തെ ഏറ്റവും കുറഞ്ഞ ശിശുമരണ നിരക്ക് കേരളത്തിലാണെന്ന് രാജ്യസഭയില്‍ എ എ റഹീം എം പി ഉന്നയിച്ച ചോദ്യത്തിന് മറുപടിയായി കേന്ദ്രമന്ത്രി സാവിത്രി താക്കൂര്‍ ഉത്തരം നല്‍കി.
ശിശുമരണ നിരക്കിന്റെ ദേശീയ ശരാശരി 1000 കുട്ടികള്‍ക്ക് 32 എന്നതാണ്. കേരളത്തിലിത് 1000 കുട്ടികള്‍ക്ക് എട്ട് കുട്ടി എന്നതാണ്. മധ്യപ്രദേശില്‍ 51, ഉത്തര്‍പ്രദേശില്‍ 43, രാജസ്ഥാനില്‍ 40, ഛത്തീസ്ഗഡില്‍ 41, ഒഡീഷയില്‍ 39, അസമില്‍ 40 എന്നിങ്ങനെയാണ് ശിശുമരണ നിരക്ക്.
ഇടതുപക്ഷ സര്‍ക്കാരിന്റെ ജനപക്ഷ നയങ്ങളുടെ തുടര്‍ച്ചയാണ് ഈ നേട്ടമെന്ന് എ എ റഹീം പ്രതികരിച്ചു. കേരളത്തില്‍ സ്ത്രീകളെയും കുട്ടികളേയും പ്രത്യേകം പരിഗണിച്ചുകൊണ്ടുള്ള സംവിധാനം ലോകത്തിനു തന്നെ മാതൃകയാണെന്നും റഹീം പറഞ്ഞു.