കടലൂര്‍: തമിഴ്‌നാട്ടിലെ കടലൂര്‍ ജില്ലയില്‍ ട്രെയിന്‍ സ്‌കൂള്‍ ബസില്‍ ഇടിച്ച് നാല് വിദ്യാര്‍ഥികള്‍ മരിച്ചു. പത്ത് കുട്ടികള്‍ക്ക് പരിക്കേല്‍ക്കുകയും ചെയ്തു. ട്രാക്ക് മുറിച്ചുകടക്കാന്‍ ശ്രമിക്കുന്നതിനിടെ വില്ലുപുരംമയിലാടുതുറൈ എക്‌സ്പ്രസ് സ്‌കൂള്‍ ബസിനെ ഇടിച്ച് തെറിപ്പിക്കുകയായിരുന്നു എന്നാണ് ലഭ്യമാകുന്ന വിവരം.
പാളം മുറിച്ച് കടക്കുന്നതിനിടെ െ്രെഡവര്‍ ട്രെയിന്‍ വരുന്നത് ശ്രദ്ധിക്കാത്തതിനെ തുടര്‍ന്നാണ് അപകടം ഉണ്ടായതെന്നാണ് പ്രാഥമിക നിഗമനം. എന്നാല്‍ കുട്ടികളുടെ മരണത്തിന് കാരണം റെയില്‍വേ ഗേറ്റ് കീപ്പറുടെ അശ്രദ്ധയാണെന്ന് ദൃക്‌സാക്ഷികള്‍ ആരോപിച്ചു.
പരിക്കേറ്റ എല്ലാ വിദ്യാര്‍ഥികളെയും കടലൂര്‍ സര്‍ക്കാര്‍ ആശുപത്രിയില്‍ പ്രവേശിപ്പിച്ചു. ചിലരുടെ നില ഗുരുതരമായി തുടരുന്നുവെന്ന് റിപ്പബ്ലിക് വേള്‍ഡ് റിപ്പോര്‍ട്ട് ചെയ്തു. അപകടത്തിന്റെ കൃത്യമായ കാരണം കണ്ടെത്താന്‍ പൊലീസ് അന്വേഷണം ആരംഭിച്ചിട്ടുണ്ട്.
തമിഴ്‌നാട്ടിലെ കടലൂര്‍ ജില്ലയില്‍ ട്രെയിന്‍ സ്‌കൂള്‍ ബസില്‍ ഇടിച്ച് നാല് വിദ്യാര്‍ഥികള്‍ മരിച്ചു
