വാഷിംഗ്ണ്‍: ബോയിംഗ് 787 വിമാനങ്ങളില്‍ ഇന്ധന സ്വിച്ച് 'റണ്‍' എന്നതില്‍ നിന്ന് 'കട്ട്ഓഫ്' എന്നതിലേക്ക് മാറുന്നത് ഇതാദ്യമല്ലെന്ന് യുഎസ് വ്യോമയാന വിദഗ്ധ മേരി ഷിയാവോ പറഞ്ഞു. അഞ്ച് വര്‍ഷം മുമ്പും ഇത് സംഭവിച്ചിരുന്നുവെന്ന് അവര്‍ വെളിപ്പെടുത്തി.
'2019ല്‍ ആള്‍ നിപ്പോണ്‍ എയര്‍വെയ്‌സിന്റെ ബോംയിംഗ് 787 വിമാനത്തിലും പറക്കല്‍ അവസാന ഘട്ടത്തിലായിരുന്നപ്പോള്‍ ഇന്ധന സ്വിച്ച് സ്വയം കട്ട് ഓഫ് ചെയ്യപ്പെടുകയുണ്ടായി. ഇന്‍പുട്ട് ഇന്ധനം പൈലറ്റ് വിച്ഛേദിച്ചിരുന്നില്ലെന്നും ഷിയാവോ പറഞ്ഞതായി ഫിനാന്‍ഷ്യല്‍ എക്‌സ്പ്രസ് ഡോട് കോം റിപ്പോര്‍ട്ട് ചെയ്തു.
എങ്ങനെയാണത് സംഭവിച്ചത്?
ബോയിംഗ് 787 സോഫ്റ്റ്‌വെയറിലെ ഒരു തകരാറാണ് ഇന്ധന സ്വിച്ചിലെ സ്വയം മാറ്റത്തിലേക്ക് നയിച്ചതെന്ന് അവര്‍ പറഞ്ഞു.
'വിമാന സോഫ്റ്റ്‌വെയര്‍ 787 നെ നിലത്താണെന്ന് കരുതാന്‍ പ്രേരിപ്പിച്ചതായും ത്രസ്റ്റ് കണ്‍ട്രോള്‍ മാല്‍ഫങ്ഷന്‍ അക്കൊമഡേഷന്‍ സിസ്റ്റം എഞ്ചിനുകളിലേക്കുള്ള ഇന്ധനം വിച്ഛേദിച്ചതായും അന്വേഷണത്തില്‍ കണ്ടെത്തിയെന്ന് അവര്‍ പറഞ്ഞു, 'പൈലറ്റുമാര്‍ ഒരിക്കലും ഇന്ധന സ്വിച്ച് ഓഫാക്കിയിരുന്നില്ലെന്നും അവര്‍ കൂട്ടിച്ചേര്‍ത്തു.
109 യാത്രക്കാരും 9 ക്രൂ അംഗങ്ങളുമായി ടോക്കിയോയില്‍ നിന്ന് ഒസാക്കയിലേക്ക് പറന്നുയര്‍ന്ന ആള്‍ നിപ്പോണ്‍ എയര്‍വേയ്‌സ് (ANA) വിമാനത്തിന് ഇരട്ട എഞ്ചിന്‍ തകരാറ് സംഭവിച്ചു. പൈലറ്റ് ലാന്‍ഡിംഗ് ചെയ്യുന്നതിനായി ത്രസ്റ്റ് റിവേഴ്‌സറുകള്‍ വിന്യസിച്ച ഉടന്‍ തന്നെ രണ്ട് എഞ്ചിനുകളും തീപിടിച്ചു. ബോയിംഗ് 787 ഡ്രീംലൈനര്‍ കൂടിയായ വിമാനത്തെ അധികൃതര്‍ റണ്‍വേയില്‍ നിന്ന് വലിച്ചുമാറ്റുകയായിരുന്നു. ഭാഗ്യവശാല്‍ ആര്‍ക്കും പരിക്കുകളൊന്നും റിപ്പോര്‍ട്ട് ചെയ്തിട്ടില്ല.
അപകടത്തിന് നാല് ആഴ്ച മുമ്പ് യുകെ സിവില്‍ ഏവിയേഷന്‍ അതോറിറ്റി (സിഎഎ) ബോയിംഗ് വിമാനങ്ങളിലെ സമാനമായ ഇന്ധന സംവിധാന പ്രശ്‌നങ്ങളെക്കുറിച്ച് മുന്നറിയിപ്പ് നല്‍കിയിരുന്നു. 'ബോയിംഗ് വിമാനങ്ങളില്‍ സ്ഥാപിച്ചിട്ടുള്ള ഇന്ധന ഷട്ട്ഓഫ് വാല്‍വുകളെ ബാധിക്കുന്ന സുരക്ഷിതമല്ലാത്ത അവസ്ഥയെ അഭിസംബോധന ചെയ്യുന്നതിനായി എഫ്എഎ പുറപ്പെടുവിച്ച ഒരു ആകാശ ഗമന യോഗ്യതാ (എയര്‍വര്‍ത്തിനസ്) നിര്‍ദ്ദേശത്തില്‍ യുകെ റെഗുലേറ്റര്‍ B737, B757, B767, B777, B787 എന്നിങ്ങനെ പരിശോധിക്കേണ്ട ഭാഗങ്ങള്‍ ഓരോന്നായി പട്ടികപ്പെടുത്തിയിട്ടുണ്ട്.
ഇന്ധന നിയന്ത്രണ സ്വിച്ചുകള്‍ ത്രോട്ടില്‍ കണ്‍ട്രോള്‍ മൊഡ്യൂളിനുള്ളിലാണ് (TCM) സ്ഥിതി ചെയ്യുന്നത്. 2019 ലും 2023 ലും നശിച്ച AI 171 ല്‍ ഇത് മാറ്റിസ്ഥാപിച്ചെങ്കിലും, 2018 ലെ FAA ഉപദേശം ഉണ്ടായിരുന്നിട്ടും എയര്‍ ഇന്ത്യ ഇന്ധന സ്വിച്ചിന്റെ ലോക്കിംഗ് സംവിധാനം പരിശോധിച്ചിരുന്നില്ല. ഉപദേശം നിര്‍ബന്ധമല്ലാത്തതിനാലാണിത്.
അഹമ്മദാബാദില്‍ നിന്ന് ലണ്ടനിലേക്ക് പറക്കുന്നതിനിടയില്‍ ഇന്ധന സ്വിച്ച് ഓഫായി വിമാനം തകര്‍ന്ന സംഭവം പൈലറ്റിന്റെ ഭാഗത്തുനിന്നുണ്ടായ മനുഷ്യ പിഴവാണെന്ന വാദത്തെ ഷിയാവോ തള്ളിക്കളഞ്ഞു.
'അത്തരമൊരു വാദത്തിന് തെളിവുകളൊന്നുമില്ലെന്ന് അവര്‍ പറഞ്ഞു. 'സിവിആറുകളിലെ ശബ്ദങ്ങളും വാക്കുകളും ശബ്ദങ്ങളും ശ്രദ്ധാപൂര്‍വ്വം വിശകലനം ചെയ്യണം. പൈലറ്റ് ആത്മഹത്യയോ കൊലപാതകമോ സൂചിപ്പിക്കുന്നതായി റെക്കോര്‍ഡുകളില്‍ ഒന്നുമില്ല. ദോഷകരമായ വ്യാഖ്യാനങ്ങള്‍ ഒഴിവാക്കാന്‍ സിവിആറിന്റെ പൂര്‍ണ്ണ ട്രാന്‍സ്‌ക്രിപ്റ്റ് എത്രയും വേഗം പുറത്തുവിടണമെന്നും ഷിയാവോ ആവശ്യപ്പെട്ടു.
ബോയിംഗ് 787 വിമാനങ്ങളില്‍ ഇന്ധന സ്വിച്ച് സ്വയം ഓഫാകുന്ന സോഫ്റ്റ് വെയര്‍ തകരാര്‍ മുമ്പും സംഭവിച്ചിട്ടുണ്ടെന്ന് യുഎസ് വ്യോമയാന വിദഗ്ധ
