ന്യൂഡല്‍ഹി: മൂന്നാം മോഡി സര്‍ക്കാരിന്റെ ആദ്യ ബജറ്റ് അവതരണം ലോക്സഭയില്‍ തുടങ്ങി. സ്വതന്ത്ര ഇന്ത്യയുടെ 92-ാം ബജറ്റാണിത്. രാവിലെ 11 മണിക്ക് തന്നെ കേന്ദ്ര ധനമന്ത്രി നിര്‍മലാ സീതാരാമന്‍ ബജറ്റ് അവതരണം ആരംഭിച്ചു. 10 മേഖലകളായി തിരിച്ചുള്ള ബജറ്റാണ് അവതരിപ്പിക്കുന്നതെന്ന് ധനമന്ത്രി തുടക്കത്തില്‍ പറഞ്ഞു.
മധ്യവര്‍ഗത്തിന്റെ ശക്തി കൂട്ടുന്ന ബജറ്റാണിത്. വികസിത ഭാരതത്തിലേക്കുള്ള യാത്രയെ ബജറ്റ് ശാക്തീകരിക്കും. വളര്‍ച്ചയെ ത്വരിതപ്പെടുത്തുന്ന ബജറ്റില്‍ വികസനത്തിനാണ് മുന്‍തൂക്കം. സമ്പൂര്‍ണ്ണ ദാരിദ്ര്യ നിര്‍മ്മാര്‍ജ്ജനവും ലക്ഷ്യമാണെന്ന് ധനമന്ത്രി പറഞ്ഞു.
ബജറ്റ് അവതരണം ആരംഭിക്കുന്നതിന് മുമ്പേ പ്രതിപക്ഷ ബഹളം തുടങ്ങി. എന്നാല്‍ ബജറ്റിന് ശേഷം മറ്റ് വിഷയങ്ങള്‍ ചര്‍ച്ച ചെയ്യാമെന്നറിയിച്ച് സ്പീക്കര്‍ നടപടികളാരംഭിക്കുകയായിരുന്നു. ഇതോടെ ബജറ്റവതരണം നടക്കുന്നതിനിടെ പ്രതിപക്ഷം സഭയില്‍ നിന്ന് ഇറങ്ങി പോയി.
കേന്ദ്രബജറ്റ് 2025: അവതരണം തുടങ്ങി; പ്രതിപക്ഷം വാക്ക് ഔട്ട് നടത്തി
