കുളത്തില്‍ എല്ലാ ആധുനിക ജല ശുദ്ധീകരണ സംവിധാനങ്ങളും
ശബരിമല: സന്നിധാനത്ത് നിര്‍മ്മിക്കുന്ന പുതിയ ഭസ്മക്കുളത്തിന്റെ നിര്‍മ്മാണ ഉദ്ഘാടനം ഇന്ന് (ഏ്ര്രപില്‍ 18 ) രാവിലെ 8.30നും 9.30 നും മദ്ധ്യേ തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് പി. എസ് പ്രശാന്ത്, ശബരിമല തന്ത്രി, കണ്ഠരര് രാജീവര് എന്നിവര്‍ ചേര്‍ന്ന് നിര്‍വഹിക്കും. പതിനെട്ടാം പടിക്കു മുന്നില്‍ വലിയ നടപ്പന്തലിന് പുറകുവശത്തായി മീനം രാശിയിലാണ് ശബരിമല മാസ്റ്റര്‍ പ്ലാന്‍ സമിതിയുടെ അംഗീകാരത്തോടെ പുതിയ ഭസ്മ ക്കുളം നിര്‍മ്മിക്കുന്നത്. 15.72 മീറ്റര്‍ വീതിയിലും 21 മീറ്റര്‍ നീളത്തിലുമാണ് പുതിയ കുളം നിര്‍മ്മാണം. 13 അടി ആഴത്തില്‍ നിര്‍മ്മിക്കുന്ന കുളത്തില്‍ 5 അടി ആഴത്തില്‍ വെള്ളമുണ്ടാകും. കുളത്തിലേക്കിറങ്ങാന്‍ എല്ലാ എല്ലാവശത്ത് നിന്നും പടവുകള്‍ നിര്‍മ്മിക്കും. ആധുനികമായ എല്ലാ ജലശുദ്ധീകരണ സംവിധാനങ്ങളും പുതിയ ഭസ്മക്കുളത്തില്‍ ഒരുക്കും. പടിഞ്ഞാറ് വശത്തായി സ്ഥിതിചെയ്യുന്ന നിലവിലെ ഭസ്മക്കുളം തുടര്‍ന്നും ഭക്തര്‍ക്ക് ഉപയോഗിക്കാം. ഐ.സി.എല്‍ ഫിന്‍കോര്‍പ്പ് സിഎം.ഡി അഡ്വ. കെ.ജി. അനില്‍ കുമാറാണ് പുതിയ ഭസ്മക്കുളം വഴിപാടായി നിര്‍മ്മിച്ച് സമര്‍പ്പിക്കുന്നത്.