ഡാളസ്: ഓഗസ്റ്റ് 9 ശനിയാഴ്ച പുലര്‍ച്ചെ ഓക്ക് ക്ലിഫില്‍ നടന്ന വെടിവയ്പ്പില്‍ മൂന്ന് പേര്‍ മരിച്ചതായി ഉദ്യോഗസ്ഥര്‍ പറഞ്ഞു.
പുലര്‍ച്ചെ 2:10ഓടെ ഡഡ്‌ലി സ്ട്രീറ്റിലെ 1900ാമത് ബ്ലോക്കിലുള്ള ഒരു വീട്ടില്‍ വെടിവയ്പ്പ് നടന്നതായി പോലീസിനും ഡാളസ് ഫയര്‍റെസ്‌ക്യൂവിനും കോള്‍ ലഭിച്ചു.
സ്ഥലത്തെത്തിയ പോലീസ് മൂന്ന് പേര്‍ മരിച്ചതായി സ്ഥിരീകരിച്ചു. എന്നാല്‍ സംഭവത്തെക്കുറിച്ച് കൂടുതല്‍ വിവരങ്ങളോ മരിച്ചവരുടെ പേരുവിവരങ്ങളോ പോലീസ് പുറത്തുവിട്ടിട്ടില്ല.സംഭവത്തെക്കുറിച്ച് അന്വേഷണം നടന്നുകൊണ്ടിരിക്കുകയാണ്. കൂടുതല്‍ വിവരങ്ങള്‍ ലഭ്യമാകുമ്പോള്‍ അറിയിക്കുന്നതാണ്.