കൊച്ചി: എട്ടു മാസത്തിന് ശേഷം മമ്മൂട്ടി കേരളത്തില്‍ തിരിച്ചെത്തി. ചെന്നൈയില്‍ നിന്നു വ്യാഴാഴ്ച ഉച്ചയോടെയാണ് കൊച്ചി അന്താരാഷ്ട്ര വിമാനത്താവളത്തില്‍ മമ്മൂട്ടി എത്തിയത്. ചികിത്സാര്‍ഥം സിനിമയില്‍ നിന്നു വിട്ടുനിന്ന മമ്മൂട്ടി കഴിഞ്ഞ മാസം ഹൈദരാബാദിലെ സിനിമ സെറ്റില്‍ തിരിച്ചെത്തിയിരുന്നു.
വിമാനത്താവളത്തിലെത്തിയ മമ്മൂട്ടിയെ സ്വീകരിക്കാന്‍ വ്യവസായ മന്ത്രി പി രാജീവ്, അന്‍വര്‍ സാദത്ത് എം എല്‍ എ എന്നിവര്‍ എത്തിയിരുന്നു. വിമാനത്താവളത്തിനു പുറത്തെത്തിയ ആരാധകരോടും മാധ്യമ പ്രവര്‍ത്തകരോടും താരം പുഞ്ചിരിയോടെ കൈവീശി അഭിവാദ്യം ചെയ്തു.
വിമാനത്താവളത്തില്‍ എത്തിച്ച കാറില്‍ സ്വയം ഡ്രൈവ് ചെയ്ത് അദ്ദേഹം വീട്ടിലേക്കു പോയത്. ഭാര്യ സുല്‍ഫത്തും ഒപ്പമുണ്ടായിരുന്നു.