ഡാളസ് : ഡാളസിലെ ഒരു മോട്ടലില്‍ ഒരാളെ തലയറുത്ത് കൊലപ്പെടുത്തി. ബുധനാഴ്ച രാവിലെയാണ് സംഭവം. കൊല്ലപ്പെട്ടയാളെയും പ്രതിയെയും തിരിച്ചറിഞ്ഞുവെന്നും പ്രതി കസ്റ്റഡിയിലുണ്ടെന്നും പൊലീസ് പറഞ്ഞു.
50 വയസ്സുള്ള ചന്ദ്ര നാഗമല്ലയ്യയാണ് കൊല്ലപ്പെട്ടത്. അക്രമിയെന്ന് സംശയിക്കുന്ന 37 വയസ്സുള്ള യോര്‍ഡാനിസ് കോബോസ്മാര്‍ട്ടിനെസിനെയാണ് കസ്റ്റഡിയിലെടുത്തിട്ടുള്ളത്.
കൊലപാതകവുമായി ബന്ധപ്പെട്ട് മാര്‍ട്ടിനെസിനെതിരെ കൊലപാതകക്കുറ്റം ചുമത്തിയിട്ടുണ്ട്.
കത്തിക്കുത്തുമായി ബന്ധപ്പെട്ട് രാവിലെ 9:30 ഓടെയാണ് പൊലീസ് സംഭവസ്ഥലത്ത് എത്തിയത്. പ്രതി 'മൂര്‍ച്ചയുള്ള ആയുധം ഉപയോഗിച്ച് പലതവണ' ഒരാളെ വെട്ടിയതായി കണ്ടെത്തിയെന്നും പൊലീസ് പറഞ്ഞു. ഡാളസ് ഫയര്‍ റെസ്‌ക്യൂ സംഭവസ്ഥലത്ത് എത്തിയിരുന്നു. വെട്ടേറ്റയാള്‍ സംഭവസ്ഥലത്തുവെച്ചുതന്നെ മരിച്ചു.
മോട്ടല്‍ സ്വത്തില്‍ ഉണ്ടായ ഒരു തര്‍ക്കത്തെ തുടര്‍ന്ന് പ്രതി വടിവാള്‍ ഉപയോഗിച്ച് ചന്ദ്ര നാഗമല്ലയ്യയെ
വെട്ടാന്‍ തുടങ്ങി. ഇര ഓടിപ്പോകാന്‍ ശ്രമിച്ചെങ്കിലും സംഭവസ്ഥലത്തുതന്നെ വീണു. എന്നിട്ടും പ്രതി ആ വ്യക്തിയെ ആക്രമിക്കുന്നത് തുടര്‍ന്നുവെന്ന് ആക്രമണത്തിന് സാക്ഷിയായ സ്‌റ്റെഫാനി എലിയറ്റ് പറഞ്ഞു,
ഡാളസ് മോട്ടലില്‍ 50 കാരനെ തലയറുത്ത് കൊലപ്പെടുത്തി; പ്രതി പിടിയില്‍
