ന്യൂയോര്‍ക്ക്: വീണ്ടും തെരഞ്ഞെടുപ്പ് നടത്താന്‍ ശ്രമങ്ങള്‍ നടത്തുമെന്ന് ന്യൂയോര്‍ക്ക് സിറ്റി മേയര്‍ എറിക് ആഡംസ് സിറ്റി ഹാളില്‍ നടന്ന പത്രസമ്മേളനത്തില്‍ ഔദ്യോഗികമായി പ്രഖ്യാപിച്ചു.
ഡെമോക്രാറ്റിക് സോഷ്യലിസ്റ്റ് സൊഹ്റാന്‍ മംദാനി ഡെമോക്രാറ്റിക് മേയര്‍ പ്രൈമറിയില്‍ മുന്‍ ഗവര്‍ണര്‍ ആന്‍ഡ്രൂ ക്യൂമോയെ പരാജയപ്പെടുത്തിയതിന് പിന്നാലെയാണ് പ്രഖ്യാപനം.
തീവ്ര ഇടതുപക്ഷ ഡെമോക്രാറ്റിക് സോഷ്യലിസ്റ്റ്‌സ് ഓഫ് അമേരിക്കയിലെ അംഗവും ഇസ്രായേലിന്റെ കടുത്ത വിമര്‍ശകനുമാണ് മംദാനി. അതേസമയം ജൂത സമൂഹങ്ങളുമായി ദീര്‍ഘകാല ബന്ധമുള്ള ഇസ്രായേലിന്റെ ഉറച്ച പിന്തുണക്കാരനാണ് ആഡംസ്.
മംദാനിക്ക് ട്വീറ്റുകളുടെ റെക്കോര്‍ഡാണ് ഉള്ളതെങ്കില്‍ തനിക്ക് തെരുവുകളിലും ഫലങ്ങളിലുമാണ് റെക്കോര്‍ഡെന്നും ആഡംസ് പറഞ്ഞു.
ഈ തെരഞ്ഞെടുപ്പ് നീലക്കോളറുള്ള ഒരു സ്ഥാനാര്‍ഥിക്കും വെള്ളി സ്പൂണുള്ള ഒരു സ്ഥാനാര്‍ഥിക്കും ഇടയിലുള്ള തെരഞ്ഞെടുപ്പാണെന്നും വൃത്തികെട്ട നഖങ്ങളും മാനിക്യൂര്‍ ചെയ്ത നഖങ്ങളും തമ്മിലുള്ള തെരഞ്ഞെടുപ്പാണെന്നും അദ്ദേഹം പറയുന്നു. യഥാര്‍ഥ പുരോഗതിക്കും പൊള്ളയായ വാഗ്ദാനങ്ങള്‍ക്കും ഇടയിലുള്ള തിരഞ്ഞെടുപ്പാണെന്നും അധ്വാനിക്കുന്ന ജനങ്ങളുടെ ഭാവി ഫാന്റസി സംസ്ഥാനമല്ലെന്നും ആഡംസ് പറഞ്ഞു.
എല്ലാവര്‍ക്കും എല്ലാം സൗജന്യമായി നല്‍കുന്നുവെന്ന് ആദര്‍ശവാദം ഉപയോഗിച്ച് പ്രസ്താവിക്കുന്ന നഗരമല്ല ഇതെന്നും എല്ലാം സൗജന്യമായി നല്‍കുന്നതില്‍ മാന്യതയില്ലെന്നും അദ്ദേഹം പറഞ്ഞു.